ILOILO CITY – Isa na naman ka commercial establishment sa Mandurriao, Iloilo City ang ginpasirado bangud sa paglapas sa Executive Order 46.
Sa interview sang Bombo Radyo kay Iloilo City Mayor Jerry Treñas, iya ginpahayag nga ang nasambit nga establishment nga isa ka 24-hour convenience store ang naglapas sa anti-smoking ordinance sang syudad bilang kabahin sang general bar guidelines.
Suno kay Treñas, mismo ang mga staff sang convenience store ang nadakpan nga nagapanigarilyo sang Iloilo City Anti-Smoking Task Force sa pagpamuno ni Mr. Iñigo Garingalao.
Ginhingyo naman sang alkalde sa mga tagdumalahan sang commercial establishment nga mangin responsable kag tumanon ang layi kag mga ordinansa.
Samtang, ipatawag naman sang alkalde ang tanan nga mga establishment owners sa dalan Guanco, Aldeguer, JM Basa, kag Iznart agud nga ipaathag sa ila ang mga ordinansa may kaangtanan sa pag- park sa nasambit nga area.
Suno kay Treñas, ini kabahin gihapon sang sustainable road clearing operations bilang pagtuman sa mandu ni Presidente Rodrigo Duterte kag ni Department of Interior and Local Government Secretary Eduardo Año.
