ILOILO CITY– Nasanto sa National Police Commission Circular number ang 24 hour duty scheme nga ginapatuman sa Philippine National Police.
Sa interview sang Bombo Radyo kay National Police Commission 6 Director Atty. Joseph Celis, iya ginpahayag nga wala siya sang mahimo bangud nga nakasulat sa pagsulundan sang ahensya ang 24-hour duty scheme.
Suno kay Celis, wala sang may malain sa 24-hour duty bangud nga nakadepende sa pulis ang pagbalanse sang iya oras.
Indi man malain suno kay Celis ang ginhimo ni Iloilo Police Provincial Office Director Police Colonel Roland Vilela nga pagpatuman sang 12-hour duty scheme.
Kun sa iya bahin suno kay Celis, indi practical ang 24 hours nga duty bangud naganubo ang productivity sang isa ka police officer.
Mas manami suno sa natungdan ang 12-hour duty agud nga makapahuway man ang mga pulis.
