ILOILO CITY – 24 oras nga seguridad ang ginahatag sang PNP sa haya ni Joanna Daniela Demafelis, ang Ilongga OFW nga ginpatay sang mga amo sa Kuwait kag ginsulod sa freezer.
Nagarelyebo ang kapulisan ilabi na gikan sa Sara Police Station, sa pagpasiguro sang kalinong kag katawhay sa mga nagabisita sa haya ni Demafelis sa Barangay Ferraris, Sara, Iloilo.
Ang kapulisan man ang nagalista sang mga VIPs kag dignitaries nga nagabisita sa haya ni Joanna.
Samtang naglapta naman ang mga flaglets sa palibot sang puluy-an sang pamilya Demafelis nga nagasinggitan sang hustisya para sa ginpatay nga OFW.
Ini ang ginahatag sang mga pribado nga tawo nga nagapakig-unong sa kalisod sang pamilya Demafelis.