ILOILO CITY – Naglab-ot sa 24 ka mga barangay sa syudad sang Iloilo ang ginpaidalom sa surgical lockdown epektibo kahapon, 6:00 sang kasisidmon, Setyembre 14.
Ini mismo ang ginkumpirma ni Public Safety and Transportation Management Office head kag focal peron for COVID-19 Jeck Conlu.
Santo sa record, yari ang mga barangay nga ginpaidalom sa tatlo ka adlaw nga surgical lockdown bangud sa mataas nga COVID-19 cases:
Sa Jaro:
Cubay – 12 cases
San Isidro – 7 cases
Simon Ledesma – 5 cases
Bitoon, Jaro – 3 cases
MV Hechanova – 3 cases
Tacas – 3cases
Tabuc Suba – 3 cases
Sa Molo:
San Juan – 7 cases
Boulevard – 5 cases
Infante – 3 cases
East Baluarte – 3 cases
North Baluarte – 3 cases
Sa City Proper:
Legaspi – 4 cases
Tanza Timawa II – 4 cases
Tanza Esperanza – 4 cases
Zamora Melliza – 3 cases
Sa Lapuz:
Bo. Obrero – 7 cases
Sinikway – 4 cases
Lapuz Sur – 3 cases
Alalasan – 3 cases
Sa Mandurriao:
Q. Abeto – 7 cases
Bolilao – 6 cases
Bakhaw – 4 cases
Sa La Paz:
Magsaysay – 9 cases
May kaangtanan diri, ginapanawagan sang COVID-19 team nga sundon ang ginapatuman nga minimum health protocol kasunod sang report nga may siyam ka mga iloy nga nagabusong nga nagpositibo sa virus.
Santo sa record, sang Setyembre 9 sang ginkuhaan sang swab sample ang siyam ka mga nagabusong nga iloy kag subong nga adlaw, Setyembre 14, lang nakumpirma nga sila ang nagpositibo sa COVID-19.
