ILOILO CITY – Ginpagwa na sang Samahang Basketbol ng Pilipinas ang 24-man Gilas Pilipinas pool para sa 4th window sang 2023 FIBA World Cup Asian qualifiers.
Ginpasa sang SBP ang mga pangalan sa FIBA antes ang match batuk sa Lebanon kag Saudi Arabia.
Kabahin sa listahan amo sanday San Miguel’s main man June Mar Fajardo, teammate nga si CJ Perez, Meralco’s Chris Newsome, Allein Maliksi, kag Raymond Almazan, Ginebra’s Japeth Aguilar, Scottie Thompson, kag Arvin Tolentino, NorthPort’s Robert Bolick, kag Jamie Malonzo.
Ang iban pa nga PBA players nga yara sa listahan amo sanday Jio Jalalon kag Ian Sangalang sang Magnolia kag Kevin Alas kag Calvin Oftana sang NLEX.
Lakip man sa listahan amo ang mga overseas campaigners nga sanday Kiefer Ravena sang Shiga Lakestars, Thirdy Ravena sang San-En NeoPhoenix, Bobby Ray Parks Jr. sang Nagoya Dolphins, Dwight Ramos sang Levanga Hokkaido, Kai Sotto sang Adelaide 36ers, kag naturalized player nga si Jordan Clarkson sang Utah Jazz.
Ang magakumpleto sang listahan amo sanday Carl Tamayo sang UP Fighting Marroons, Kevin Quiambao sang La Salle kag free agents nga sanday Francis Lopez kag Roosevelt Adams.
Ang team ang magalupad na sa Beirut agud nga atubangon ang Lebanon sa Agosto 25 kag magabalik sa Manila agud atubangon ang Saudi Arabia sa Agosto 29.
