Iloilo City – Magasugod na sa Marso ang paghimos sang mga spaghetti wires sa syudad sang Iloilo.
Sa interview sang Bombo Radyo kay Iloilo City Councilor Romel Duron, Chairman sang Committee on Public Utilities sa Sangguniang Panlunsod, iya ginpahayag nga pagahatagan sang 240 working days ang pag-install sang underground cabling.
Suno kay Duron, unahon ang mga plaza sa bug-os nga syudad sang Iloilo, Sun Burst Park sa downtown area, Benigno Aquino Avenue ukon sa Diversion Road sa Mandurriao, kag amo man ang tanan nga protected cultural kag heritage properties sang syudad.
Matandaan nga sang nagligad nga semanasang gin-aprubahan sa Iloilo City Council ang ordinansa nga nagamando sa tanan nga public electric utility companies, telecommunication carriers, kag iban nga kaangay nga entities nga magbutang sa underground sang tanan nga electrical kag telecommunication wires kag mga kable.
Katuyuan sang ordinansa nga maduso ang promosyonsang mga maragtason nga lugar kag cultural heritage sa syudad kag mapasiguro ang seguridad sang publiko.
