ILOILO CITY – Nasiplatan nga magka-upod ang 25 anyos nga Filipino-American model nga si Kelsey Merritt kag 50 anyos nga Hollywood star nga si Jared Leto sa isa ka rock formation climbing sa Sardinia, Italy.
Sa mga pictures nga gin-publish sa isa ka British tabloid newspaper, makita ang duha nga nagasaka sa rock formation sa Tavolara Island kaupod ang ila mga kaabyanan.
Si Kelsey ang nagasuksok sang black one-piece swimsuit samtang si Jared naman ang nagasuksok sang long-sleeved white shirt kag black shorts.
Ang mga pictures ang nagapakita nga gina-alalayan ni Jared si Kelsey.
Base man sa report, nagsakay sa yate ang duha upod sang kaangay ni Kelsey nga Victoria’s Secret models nga sanday Izabel Goulart kag Jasmine Tookes.
Ang duha ang wala pa nakahatag sang ila komento angut sa huring-huring nga sila ang may relasyon.
Kung madumduman, si Kelsey ang naghimo sang history sang 2018 matapos nga nangin labing una nga Filipina nga nangin kabahin sang Victoria’s Secret runway.
Una niya nga naka-date si American Olympic swimmer Conor Dwyer sa sulod sang tatlo ka tuig.
Si Jared naman ang na-link sa kanday American actresses Cameron Diaz kag Scarlett Johansson, kag American singer-songwriter nga si Katy Perry.
