ANTIQUE – Ginpaidalom na sa inquest proceeding sa Justice Calixto O. Zaldivar Hall Of Justice ang 255 ka mga arestado sa Anti-Illegal Gambling operation sa Brgy. 1, San Jose, Antique.
Ang nasambit nga Anti-Illegal Gambling operation ang ginpatigayon sang San Jose PNP sa pagpamuno ni Police Lt. Col. Mark Darroca, Antique Provincial Mobile Force Company nga ginapamunu-an ni Police Major Stephen Somotsot kaupod ang Antique Provincial Police Office Intelligence Unit.
Ang mga arestado ang naaktuhan nga nagapatigayon sang illegal cockfighting sa VCO Sports Development Center sa nasambit nga lugar.
Lakip sa recoveries amo 31 live fighting cocks; 8 dead fighting cocks; 213 Gaff kag P860 nga ginapahayag kita sa illegal nga bulang.
