Nakuhaan sang P1.7-million nga balor sang suspected shabu ang 26-anyos nga babaye sa ginkasa nga buy bust operation sang otoridad sa Brgy. Jibao-an, Pavia, Iloilo.
Ang subject amo si Alyas Tata, isa ka High Value Individual (HVI), wala sang ubra, residente sang Brgy Binawbawan, Pilar, Capiz apang temporaryo nga nagatinir sa amo nga barangay sa Pavia.
Naglab-ot sa 260 ka gramos sang suspected shabu ang nakumpiskar sa iya nga possession.
Sa interview sang Bombo Radyo kay Police Major Dadje Delima, chief sang Iloilo Provincial Drug Enforcement Unit (PDEU), iya ginpahayag nga naglab-ot sa malapit isa ka bulan ang monitoring sa subject antes natigayon ang operasyon.
Santo sa inisyal nga imbestigasyon, sa Roxas City kag Calumpang, Molo ini nagakuha sang iya nga supply.
Natalana ini nga mangatubang sang reklamo nga paglapas sa Republic Act 9165 ukon Comprehensive Dangerous Drugs Act of 2002.#
Article: Bombo Phauline Pillora
