ILOILO CITY – Nagnegatibo sa COVID-19 test ang 26 ka empleyado sang MORE Electric and Power Corporation nga natumod nga may direct exposure sa isa ka empleyado nga nagpositibo sa virus.
Sa interview sang Bombo Radyo kay Jonathan Cabrera, tagpamaba sang MORE Power, iya ginpahayag nga sa subong, nakapauli na sa ila tagsa ka balay ang 26 ka mga empleyado.
Suno kay Cabrera, ginpanugyanan ang mga empleyado nga magpaidalom sa 14 ka adlaw nga strict home quarantine antes magbalik sa trabaho.
Ginpahayag ni Cabrera nga padayon sa subong ang paghatag sang serbisyo sang MORE Power apang limitado lamang bangud sa skeletal workforce.
Ang mga customer nga magabayad sang electric bill ang ginapanugyanan nga magbayad sa mga payment partners kag isa na diri ang Queenbank.
