Patay ang 26 ka mga bata edad 5-6 anyos matapos nasunog ang ila eskwelahan nga human lamang sa kahoy sa southern Niger, West Africa.
Magluwas sa mga napatay, pilason man ang 14 ka iban pa nga mga bata samtang lima diri ang yara sa kritikal nga kondisyon.
Indi pa matumod sang regional director for education kun ano ang ginhalinan sang sunog.
Suspendido ang klase kag gindeklarar ang tatlo ka adlaw nga paglalaw sa rehiyon sang Maradi kun sa diin nahamtang ang eskwelahan.
Ini na ang ikaduha nga tion subong nga tuig nga ginpatay sang sunog ang mga kabataan samtang yara sa ila classrooms.
Sang Abril, patay man ang 20 ka mga preschool children sa Niamey sa amo nga pungsod.
Ang Niger ang isa sa pinakapigado nga pungsod sa kalibutan kag ang ila nga mga classrooms human lamang sa uhot kag kahoy, kag kun kaisa, ginapapungko lang ang mga bata sa duta. #
