ILOILO – Napasakaan na sang kaso ang 26 ka mga indibidwal matapos nga nadakpan nga iligal nga nagapauwak sa Barangay Pandac, Pavia, Iloilo.
Sa interview sang Bombo Radyo kay Police Lieutenant Gabriel Manguera, Deputy Chief of Police sang Pavia Municipal Police Station, iya ginpahayag nga kaso nga paglapas sa Presidential Decree 1602 ukon Anti-Illegal Gambling Law ang ginpasaka sa mga arestado.
Suno kay Manguera, sa nasambit nga mga arestado, may duha ka mga nakapyansa sa P24,000 kada isa.
Sa subong, nagapabilin nga preso ang 24 ka iban pa.
Gin-athag man ni Manguera nga indi na nila matumod kun sa diin na ang iban nga mga nagpa-uwak nga nakapalagyo sang nagpatuman sila sang operasyon.
