ILOILO CITY – 26 ka panibag-o nga kaso sang Coronavirus Disease 2019 (COVID-19) ang na record sa bug-os nga Western Visayas kun sa diin nagtimbuok sa 274 ang kabug-usan nga numero.
As of June 28, 477 sa 504 ka laboratory results ang negatibo kun sa diin ang nadugangan sang duha ang mga naka-recover.
Sa subong, naglab-ot na sa 125 ang numero sang mga naka-recover samtang 11 sa gihapon ginbawi-an sang kabuhi.
Sa 26 ka mga nagpositibo, 6 diri ang mga doktor sang Iloilo St. Paul’s Hospital, 14 ang Locally Stranded Individual kag 6 naman ang repatriated Overseas Filipino Workers.
Ang mga naka-recover naman amo sanday Patient no. 155 – 24 anyos nga lalaki sang Escalante, Negros Occidental nga isa ka Locally Stranded Individual kag Patient no. 164 – 25 anyos nga lalaki sang Miagao, Iloilo nga isa ka repatriated Overseas Filipino Worker.
Kun pahat-pahaton, ang Aklan ang may anum ka COVID-19 cases, Antique nga may 14, Capiz nga may 6, Iloilo Province nga may 24, Negros Occidental nga may 3, Bacolod City nga may 11, Iloilo City nga may 25 kag 185 sa repatriates.
