Nagdangat na sa 26 ka mga lawas sang tawo nga lunsay wala na sang kabuhi ang narecover sa baybayon nga sakop sang Mumbai City sa India matapos naglugdang ang barge nga ginasakyan sang 261 ka mga tawo bangud sa bagyo.
Ginalauman nga labi pa nga magasaka ang numero sang mga napatay bangud padayon sa gihapon ang rescue operations.
Ginabanta 53 pa ang tawo nga missing.
Natigayon naman nga makabalik ang navy warship sa nasambit nga syudad dala ang 183 ka mga survivors.
Samtang 35 pa ka tawo ang narescue gikan sa isa sa tatlo ka mga barge nga nastranded tuga sang bagyo Tauktae.
Ang nasambit nga barge ang nagatrabaho sa isa ka protekto para sa Oil and Natural Gas Corporation sa diin ang mga tawo nga nakasakay amo ang ginpang-deploy para sa offshore drilling.
