Ginakahangaw-an nga yara sa 260 ka mga sibilyan ang napatay sang gin-atake sang armado nga kalalakihan ang Oromiya, lugar sa Ethiopia nga puluy-an sang pinakadaku nga ethnic group nga Oromo kag iban pa nga mga grupo.
Duha sa mga residente sa amo nga nga lugar ang nagpaguwa sang pahayag nga mga Amharas (ukon mga minority sa region) ang mga biktima sang amo nga pagpang-atake sang weekend.
Ini ang ginakabig isa sa pinakamakamamatay nga atake sa tanan nga ethnic tensions nga natabo sa amo nga pungsod.
Suno sa isa ka residente, ginpanglubong ang mga biktima sa mass graves. 230 ka bangkay ang iya nga naisip kag padayon pa ang ila nga pagpangita sa iban pa nga mga biktima.
Suno naman sa isa pa ka nakasaksi, ginpangpatay ang mga katapo sang amo nga local Amhara community nga daw kaangay sang mga manok.
Ginabasol subong ang Oromo Liberation Army (OLA) sa amo nga pagpang-atake.
Mangin ang Oromia regional government ang nagbasol man sa amo nga grupo — butang nga gin-deny naman sang OLA.
Ang OLA amo ang outlawed splinter group sang Oromo Liberation Front, isa ka opposition group nga gin-ban anay apang nagbalik sang nagpungko man si Prime Minister Abiy Ahmed sang 2018.
Sang nagligad nga tuig, nagporma ang OLA sang alliance sa Tigray People’s Liberation Front (TPLF) nga amo ang nagapamatok sa federal government sa northern region.
As of press time, wala sang naga-guwa nga pahayag nga may labot ang TPLF sa pagpang-atake.
Una na nga ginkondenar ni Prime Minister Ahmed ang amo nga pagpamatay kag gintawag ini nga “horrific acts” sa Oromiya.
