CAMP PERALTA JAMINDAN CAPIZ- Igapaidalom sa training ang mga bag-o lang na recruit nga candidate soldiers sang 3rd Infantry Division sang Philippine Army.
Sa interview sang Bombo Radyo kay Capt. Cenon Pancito III, spokesperson kag DPAO head ang 3rd ID, iya ginpahayag nga ang 256 ka mga candidate soldiers ang igapaidalom sa intense training sang Army kaangay man sang iban nga mga batches lakip na ang Jungle Warfare Mountain Operation Course (JWMOC).
Madamo naman suno kay Pancito sang mga nangin talaksan sa pagpili sang mga nakasulod sa candidate course sang army kaangay nalang sang written exams, physical kag mental exams, kag neuro-psychiatric exam.
Dako nga bagay ang training suno kay Pancito bangud ini ang mangin transformation halin sa sibilyan nga aspeto pakadto sa isa ka mabakod nga suldado nga makabulig sa mga pumuluyo sa tion sang kalamidad.
Magadugay naman ang training sang halos tatlo tubtob lima ka bulan.
