Magapatigayon sang daku nga clearing operation ang New NAIA Infrastructure Corporation (NNIC) agud kakson ang 27 ka abandonado nga mga eroplano sa general aviation area sang Ninoy Aquino International Airport (NAIA).
Ginbuyagyag sang NNIC nga pila sa mga eroplano ang wala na naga-function sa sulod sang madugay na nga panahon.
Lakip na diri ang isa ka Cessna 421B nga padayon nga naga-park sa NAIA halin pa sang tuig 2009, kag ang Boeing 737-200 nga wala na nagamit halin pa sang 2015.
Sang Setyembre 2024, nagsugod ang NNIC sa pagdumala sang operasyon sang airport kag gin-ugyunan sang Civil Aviation Authority of the Philippines (CAAP) kag Manila International Airport Authority (MIAA) sa pag-identify sang mga abandonado nga aircraft.
