ILOILO CITY – Kapin sa 300 ka panibag-o nga COVID-19 cases, masobra 100 ka dugang nga recoveries kag 9 ka dugang nga deaths ang na record sa Western Visayas.
Sa September 25 nga case bulletin sang Department of Health Region 6, naglab-ot sa 282 ka panibag-o nga COVID-19 cases samtang 108 ka dugang nga recoveries ang nagdugang sa listahan.
Ini matapos nga sa 2,007 ka laboratory results nga ginpaguwa, 282 diri ang new cases, 11 ang positibo sa repeat test kag 1,714 ang negatibo.
Bangud sini, 10,515 na ang COVID-19 cases sa Western Visayas kun sa diin 3,864 ang active cases, 6,434 ang numero sang mga pasyente nga nag-ayo samtang nagsaka naman sa 217 ang numero sang casualty.
Sa 282 ka panibag-o nga kaso, 1 ang halin sa Antique, 6 sa Capiz, 3 sa Guimaras, 10 sa Iloilo, 67 sa Negros Occidental, 162 sa Bacolod City kag 33 sa Iloilo City.
Sa pangkabug-usan, ang Aklan ang 82 ka COVID-19 cases, Antique nga may 39, Capiz nga may 288, Guimaras nga may 72, Iloilo Province nga may 772, Negros Occidental nga may 1,873, Bacolod City nga may 3,430, Iloilo City nga may 2,067, ROFs, LSIs kag APORs nga may 1,892 samtang 38 sa gihapon ang Tagged to other regions.
