Ginbawian gid sang kabuhi ang 29 anyos nga babayi matapos ang nagluntad nga sunog sa Sta. Rosa Subdivision, Barangay Tagbac, Jaro, Iloilo City.
Ang tag-iya sang balay amu si Rosemarie Duran, ang iloy sang napatay nga babayi.
Sa interview sang Bombo Radyo kay Fire Chief Inspector Publio Ploteña, Iloilo City Fire Marshall, iya ginpahayag nga conscious pa ang babayi sang ila una nakit-an sa sulod sang kwarto.
Gilayon ini nga gindala sa ospital apang gindeklara nga dead-on-arrival.
Suno kay Ploteña, na-suffocate ang biktima bangud wala man ini nakitaan sang sunog sa lawas.
Dugang pa niya, nagdugay ang pag-rescue sa babayi bangud puno sang grills ang mga bintana.
Gindeklara naman nga partially burned ang amu nga two story nga puluy-an.
Ginabanta nga masobra sa P900,000 ang balor sang halit nga tuga sang sunog.
