Patay ang 29 -anyos nga lalaki sa Maabay, Sibunag, Guimaras matapos nga naghikog sa sulod sang ila balay gamit ang kalat.
Ang lalaki amo si alyas Toto.
Suno kay PSSg. Goldmar Monreal, imbestigador sang Sibunag Municipal Police Station, kaupod ni Toto sa sulod sang balay ang iya utod kag ila nga amay apang nagguwa ang mga ini kag nabilin na lamang ang biktima.
Makaligad ang isa ka oras, pagbalik sang utod sa ila balay, iya na lang nasapwan si Toto nga nagabitay na sa balayan.
Na-rekober naman sang Sibunag PNP ang cellphone sang biktima apang ini ang guba na.
