ILOILO – Padayon ang contact tracing sang Local Government Unit sa banwa sang Guimbal, Iloilo matapos nagpositibo ang 29 ka mga medical staff sang Rep. Pedro G. Trono Memorial Hospital.
Sa interview sang Bombo Radyo kay Dr. Jay Dorin, municipal health officer sang Guimbal, iya ginpahayag nga kapin 25 ang ikaduha nga batch nga ginpaidalum sa swab ukon reverse transcription polymerase chain reaction (RT -PCR) test.
Suno kay Dorin, sa nasambit nga 15 nga nauna nga nagpositibo sa COVID-19, nadugangan pa ini sang 14, sa diin 12 diri ang tumandok sang banwa sang Guimbal.
Ginahulat nalang suno sa natungdan ang resulta sang ikaduha nga batch nga ginswab nga nakaquarantine man sa ila mga panimalay.
