Nadugangan sang 29 ang numero sang mga napatay bangud sa COVID-19 sa diin 2,676 na subong ang total reported deaths sa bilog nga Western Visayas.
Sa bag-o nga mga napatay, isa ang naghalin sa Antique, apat sa Capiz, duha sa Guimaras, pito sa Iloilo Province, tatlo sa Negros Occidental, duha sa Bacolod City, kag 10 sa Iloilo City.
Sa new cases, Iloilo Province sa gihapon ang may pinakamataas nga numero sang COVID-19 sa bilog nga rehiyon.
Santo sa Septyembre 10 nga bulletin sang Department of Health Region VI, out of 999 nga new cases sa rehiyon, 264 gid ang naghalin sa Probinsya sang Iloilo.
40 naman ang halin sa Aklan, 66 sa Antique, 112 sa Capiz, 46 sa Guimaras, 163 sa Negros Occidental, 108 sa Bacolod City, kag 200 sa Iloilo City.
112,744 na subong ang cumulative number of cases sa bilog nga rehiyon.
Kun pahat-pahaton ang active cases:
Aklan – 559
Antique – 792
Capiz – 989
Guimaras – 716
Iloilo Province – 5,870
Negros Occidental – 1,939
Bacolod City – 1,158
Iloilo City – 2,154
Nadugangan naman sang 957 ang numero sang mga nag-ayo sa COVID-19 sa diin 95,866 na ang total reported nga recoveries sa bilog nga Western Visayas.
