29% sang mga Filipino adults, nagapati nga mas nag-uswag ang kalidad sang ila kabuhi subong nga 2023 kun ipaangid sang nagligad nga tuig

ILOILO CITY – 29% sang mga Filipino adults ang nagapati nga mas nag-uswag ang kalidad sang ila kabuhi sa ginpagwa sang Social Weather Stations nga survey kun ipaangid sang nagligad nga tuig.

Samtang, 25% naman ang nagasiling nga indi nangin maayo ang kalidad sang ila kabuhi, kag 46% ang nagapabilin sa kinaandan nga kahimtangan.

Nahibaluan nga ginpatigayon ang survey sang Marso 26 tubtob Marso 29 sa diin nagresulta ini sa gainers score nga +5 nga ginakabig bilang mataas.

Kun ipaangid sang Disyembre 2022, nagsarurot ang net gainers humalin sa “very high” pakadto sa “high”.

Nahibaluan nga ang March 2023 survey ang nagapakita nga 9.8% sang Filipino families, ukon ginabanta 2.7 million, ang nagaeksperyensya sang gutom sang isa ka bes sa sulod sang tatlo ka bulan.