Ginalauman sang Pilipinas nga may yara sang maabot nga duha ka milyon nga doses sang COVID-19 vaccines subong nga Abril ukon sa Mayo.
Sa statement pagkatapos sang Cabinet meeting, ginpahayag ni Presidential Spokesman Atty. Harry Roque nga may yara na naman sang ideliver ang Sinovac nga 1.5 million vaccine doses samtang ang 500,000 ang magahalin sa Gamaleya.
Wala sa gihapon sa nasambit nga pagsinapol si Presidente Rodrigo Duterte matapos ginpostpone ang pagpatigayon sini sang weekly public address.
Sa subong, kabug-usan nga 2.5 million COVID-19 vaccine doses ang nabaton sang pungsod — duha ka milyon halin sa Sinovac kag 525,600 naman sa AstraZeneca.
Nahibaluan nga kahapon lang, ginmanduan sang Department of Health kag Food and Drug Administration nga isuspend ang pagpangbakuna gamit ang AstraZeneca sa mga naga-edad 60 anyos panubo.
Ini matapos natukiban sang European medicine regulators nga posible may yara sang kaangtanan ang bakuna sa mga kaso sang blood clots.
Magluwas sa 525,600 doses sang AstraZeneca nga gindonate sa pungsod sang COVAX facility, ang local government units kag pribado nga sektor ang nakabakal naman sang 17 million doses sang amo nga bakuna.
