ILOILO CITY- Nag-abot na sa Iloilo ang second batch sang COVID-19 vaccines.
Ini ang ginabug-usan sang 16,880 doses sang Sinovac vaccine kag 10,000 doses sang Astra Zeneca.
Matandaan nga sang Marso 5 sang nag-abot sa Iloilo ang una nga batch sang 16,880 doses sang Sinovac vaccine.
Marso 8 sang dululungan nga nagpatigayon sang inoculation sang Sinovac Vaccines ang anom ka mga priority hospitals sa Western Visayas.
Sa Iloilo, ini ang ginalakipan sang St. Paul’s Hospital Iloilo,Western Visayas Medical Center, Iloilo Doctors Hospital kag West Visayas State University Medical Center; sa Bacolod City,ini ang Corazon Locsin Montelibano Memorial Regional Hospital kag Dr. Pablo O. Torre Memorial Hospital (Riverside Medical Center).
