Gintuad ni Iloilo 2nd District Board Member June Mondejar nga ‘satisfied’ siya sa nangin performance ni Iloilo Police Provincial Office (IPPO) Director Bayani Razalan antes pa man ini na-relieve sa pwesto.
Sa interview sang Bombo Radyo kay Board Member Mondejar, iya ginpahayag nga bisan siya ang nakibot sa pag-relieve sa nasambit nga opisyal sang IPPO.
Suno kay Mondejar, dako ang nangin kontribusyon ni Razalan sa paghimo sang mga ordinansa para sa probinsya sa patag sang peace and order.
Indi paman sini mahambal ang rason sa likod sang relief ni Razalan apang wala sini gindula nga mahimo bangud sa pulitika ang nangin basehan sang Philippine National Police (PNP).
Nagalaum man si Mondejar nga mapahibalo si Iloilo Governor Arthur Defensor Jr. sa rason sang pag-relieve kay IPPO Director Bayani Razalan.
