ILOILO CITY – Tatlo ka repatriated Overseas Filipino Workers ang nagdugang sa kumpirmado nga kaso sang Coronavirus Disease 2019 (COVID-19) sa Western Visayas.
As of June 13, naglab-ot na sa 140 ang COVID-19 cases samtang nagapabilin sa gihapon sa 100 ang naka recover kag 11 ang patay.
Sa 884 ka laboratory results nga ginpaguwa, 3 ang nagpositibo sa COVID-19 nga ginalakipan sang mga masunod:
Patient no. 138 – 35 anyos nga babayi sang Bacolod City
Patient no. 139 – 63 anyos nga babayi sang Pulupandan, Negros Occidental
Patient no. 140 – 50 anyos nga lalaki sang Kabankalan, Negros Occidental
Ang mga nasambit nga pasyente ang lunsay naka facility quarantine.
Ang Aklan ang may 6 ka COVID-19 cases, 14 sa Antique, 6 sa Capiz, 21 sa Iloilo Province, 3 sa Negros Occidental, 11 sa Bacolod City, 19 sa Iloilo City kag 60 sa repatriates.
