GUIMBAL, ILOILO – Nadugangan sang tatlo ka mga COVID-19 positive ang banwa sang Guimbal, Iloilo.
Sa interview sang Bombo Radyo kay Dr. Jay Dorin, Municipal Health Officer, iya ginpahayag nga ang tatlo ka mga nagdugang nga kaso amo ang mga masunod;
-35 anyos nga babaye, private employee kag na expose sa isa niya ka officemate
- 40 anyos nga babaye, isa ka manunudlo kag nadala sa pooled testing kag;
-isa ka call center agent.
Suno kay Dorin, 16 tanan ang mga close contacts nga natumod sang local government unit sang Guimbal.
Gin-athag sang natungdan nga sa iban nga banwa nagatudlo ang 40 anyos nga babaye apang naga-istar sa banwa sang Guimbal.
