Nagdangop sa otoridad ang tatlo ka mga customers agud ireklamo ang isa ka baligyaan sang beauty products sa Antipolo City, Rizal.
Ini matapos gin-alegar sang mga ini nga naglaw-ay sila kag na-damage ang ila panit matapos gin-gamit na nila ang produkto nga habon nga iya sang “Dimple Soaps” sa Barangay San Jose.
Kasunod sang reklamo, nagpatigayon sang cyber surveillance ang otoridad kag natumod nga delikado ang ila mga produkto bangud wala nagpaidalom sa mandatory quality kag safety testing, wala sang license to operate (LTO), kag wala sang iban pa nga permits.
Natigayon ang operasyon sang Marso 25 kun sa diin giinsalakay sang NBI, Food and Drug Administration (FDA), kag Antipolo Business Permit and Licensing Office (BPLO) ang factory sang habon.
Gin-padlock ang amo nga kompaniya kag mangatubang sang sampaw-sampaw nga mga kaso.
