POTOTAN, ILOILO – Tatlo ka durugista ang nadakpan paagi sa buy bust operation nga ginpatigayon sang Provincial Drug Enforcement Unit kag Pototan PNP sa Brgy. Malusgod, Pototan, Iloilo.
Sa interview sang Bombo Radyo kay Police Chief Master Sergeant Carlos Villanueva, imbestigador sang Pototan Municipal Police Station, iya ginpahayag nga 11 ka sachet sang suspected shabu kag P1,000 nga buy bust money ang nakuha kay Calvin Clain Bariguez, 27.
Magluwas kay Bariquez suno kay Villanueva, nadakpan man ang mag-amay nga sanday Randy Pescuela, 47 kag Jomar Pescuela, 21.
Ginpahayag ni Villanueva nga nadakpan sa akto ang mag-amay nga Pescuela nga naga-gamit sang illegal drugs.
Nakuhaan ang mag-amay sang tag-isa ka sachet sang suspected shabu.
