ILOILO CITY – Nagapabilin sa ospital ang isa sa tatlo ka preso sang Antique Rehabilitation Center nga nagtuyo magpalagyo.
Ginpahayag sa Bombo Radyo Iloilo ni Supt. Norby Escobar, spokesman sang Antique Provincial Police Office, unconscious pa ang isa sa mga preso matapos maaksidente sa motorsiklo sa Barangay Borocboroc, Belison, Antique.
Ang mga preso ang ginkilala kanday Lloyd Vicente Francisco kag Allan Lerona, lunsay 27-anyos kag nagapangatubang sang kaso nga murder; kag Marvin Nietes, 31, nga may kaso nga rape.
Apang ginpanginwala sang mga preso suno kay Escobar nga tuyo sang mga ini nga magpalagyo.
Depensa pa sang mga ini nga makuha lang kuntani sila sang bugas kag kanding sa banwa sang Belison apang naaksidente ang ginsakyan sang mga ini nga motorsiklo.
Padayon naman nga ginahibalo sang mga otoridad sa Antique kun paano nakaguwa sa presuhan ang nasambit nga mga inmates.