Patay ang tatlo ka mag-utod matapos nakuryente sa ila kwarto sa Quezon City.
Ang mga biktima amo sanday Andeng kag Negra nga lunsay menor de edad, kag si Axel nga 19-anyos.
Natabo ang insidente sa ila ginarentahan nga apartment sa Barangay Pinyahan.
Naggwa sa imbestigasyon nga nagsinggit si Negra nga nagapangayo sang bulig matapos nakuryente samtang nagapanghalay sa ikaduwa nga panalgan sang apartment.
Didto na nagbulig kanday Andeng kag Axel apang pareho man sila nga nakuryente.
Nakapangayo naman sang bulig sa ila tupadbalay ang isa nila ka utod.
Ginhingagaw dala sa ospital ang mga biktima apang napatay gid bangud sa cardiac arrhythmia.
Nadiskubre naman sang otoridad nga grounded ang circuit breaker nga nagaangot sa air-conditioning compressor nga amo ang gintunaan sang trahedya.
