Dakop ang tatlo ka mga lalaki sa Bangladesh bangud sa human trafficking matapos matukiban nga nagapadala ang mga ini sang ginatos nga mga babaye sa Dubai agud mangin sex worker.
Suno kay Imtiaz Ahmed, deputy inspector general sang Criminal Investigation Department, nagatanyag ang mga lalaki sang trabaho sa mga hotel sa Dubai bilang housekeeper ukon dancer.
Apang sa pagpadulong sa Dubai, ginapugos ang mga kababaihan agud nga makipaghilawas kabaylo sang kwarta kag ginasakit kun magpamalibad ang mga ini.
Lakip sa mga lalaki nga nadakpan amo ang lider sang sindikato.
Nagpasalig naman si Ahmed nga madakpan ang iban pa nga mga grupo nga nagapadayon sang iligal nga negosyo.
