ILOILO – Tatlo ka mga police official ang ginapili-an nga magatal-os kay Iloilo Police Provincial Office Director Police Col. Marlon Tayaba.
Ini matapos nga nabaton na ni Iloilo Gov. Arthur Defensor Jr. ang kopya sang mga pangalan sang tatlo ka mga police official nga magatal-os kay Tayaba sa pwesto.
Ginpadala sang Police Regional Office 6 kay Defensor ang pangalan nanday Police Col. Policarpio Catungal Cayabyab, Police Col. Juel Neil Salcedo kag Police Col. Roland Alonzo Vilela.
Ginapahayag nga lunsay pangayaw sa Iloilo ang tatlo ka mga police official.
Nagalaum naman si Defensor nga kun sin-o man ang mapilian sang Police Regional Office 6, nagakinahanglan nga mapisan kag tampad ang mangin masunod nga Iloilo Police Provincial Office Director.
Nahibalu-an nga sang Hunyo 19 pa kun tani nagtapos ang termino ni Tayaba bilang director sang Iloilo Police Provincial Office.
