ILOILO CITY – Tatlo ka mga rebel returnee ang nakabaton sang bulig matapos magbalik sa sabak sang gobyerno.
Sa interview sang Bombo Radyo kay Lt. Col. Leo Peña sang 601st Infantry Brigade sang Philippine Army, ginpahayag sini nga duha sa rebel returnee ang tumandok sang Calinog, Iloilo samtang isa naman ang gikan sa Tubungan, Iloilo.
Kalabanan suno sa opisyal sang rebel returnee ang wala nakatapos sang elementarya kag madali nga mahaylo nga magsulod sa New Peoples Army (NPA).
Ginalauman ni Peña nga madamo pa nga miyembro sang rebelde ang magasungka sa gobyerno ilabi na sa positibo nga development karon sa peace talks.