ANTIQUE – Lunsay may yara sang close contact sa Patient no. 39 ang tatlo ka pasyente nga nagdugang sa kumpirmado nga kaso sang Cornavirus Disease 2019 (COVID-19) sa Antique.
Sa interview sang Bombo Radyo kay Dr. Renilyn Reyes, Public Health Program Development Cluster Head kag COVID-19 spokesperson sang Department of Health 6, iya ginpahayag nga ang tatlo ka COVID-19 patient ang lunsay tumandok sang banwa sang Pandan.
Suno kay Reyes, ang Patient no. 50 amo ang 32 anyos nga lalaki, ang Patient no. 51 amo ang 28 anyos nga babayi kag ang Patient no. 52 amo ang 33 anyos nga babayi nga lunsay naka quarantine samtang ang Patient no. 39 amo ang 69 anyos nga lalaki kag ika duha nga COVID-19 patient sa probinsya sang Antique.
Ang tatlo ka panibag-o nga kaso sang COVID-19 ang na record kasunod sang ginpaguwa nga 201 ka laboratory results as of April 20, 2020.
Nahibalu-an nga naglab-ot na sa 52 ang COVID-19 case sa Western Visayas, 8 ang naka recover kag 7 ang patay.
