ILOILO CITY – Lunsay ginpanginwala sang tatlo ka mga pulis nga nagmaoy sila sa sulod sang isa ka disco bar and restaurant sa syudad sang Iloilo sang Hunyo 26 sang kaagahon.
Santo sa sabat nga ginpasa nanday Police Chief Master Sergeant Jose Dinggal, Police Senior Master Sergeant Fernil Mark Mallorca kag Police Staff Sergeant Ralph Mabuque, yara sila nga tatlo sa isa ka massage parlor sang Hunyo 25 sang gab-i.
Mahimo suno sa tatlo nga nasal-an lang sila bangud nga ginabanta 10 tubtub 20 metros lang ang distansiya sang massage parlor sa disco bar and restaurant.
Sa pihak sini, ginapahayag nga nagbalik sa massage parlor ang duha sa tatlo ka mga pulis sang Hulyo 3 sang gab-i sa pihak sang restriction batok sa ila.
Ginpamangkot sang duha ka pulis sa staff sang massage parlor kun bala nakuhaan sang Closed Circuit Television (CCTV) camera ang ila nga pagpamasahe bag-o natabo pila ka oras bag-o natabo ang insidente.
Sa interview sang Bombo Radyo kay Police Lt. Col. Joem Malong, tagpamaba sang Police Regional Office (PRO) 6, iya ginpahayag nga magapabilin nga restricted sa barracks ang tatlo ka mga pulis tubtub nga wala pa natapos ang imbestigasyon sang Regional Investigation and Detective Management Division (RIDMD).
Ang nasambit nga mandu ang may pahanugot mismo kay Philippine National Police (PNP) Chief Oscar Albayalde matapos ginpahibalo ni Pol. Lt. Col. Mannan Muarip, pinuno sang Regional Headquarters Support Unit.
Sa subong, ginpahayag ni Malong nga padayon ang imbestigasyon agud mahibalu-an kun bala matuod ang pahayag sang tat ukon indi ang pahayag sang tatlo ka mga pulis.
