May ginasundan na nga mga person of interest ang Pavia Municipal Police Station sa kaso nga pagtiro-patay sa isa ka pastor sa Brgy. Anilao, Pavia, Iloilo.
Ang biktima amo si Douglas Jover, 63-anyos kag residente sang Brgy. Quintin Salas, Jaro, Iloilo City.
Sa interview sang Bombo Radyo kay PLt. Gabriel Manguera, Deputy Chief of Police sang Pavia MPS, iya ginpahayag nga natumod ang mga suspek kasunod sang ginpatuman nga back-tracking sang mga closed circuit television (CCTV) sa mga kaiping nga barangay sang ginluntaran sang insidente.
Suno kay Manguera, tatlo ka mga suspek ang ginasundan subong sang ila talatapan kon sa diin, may mga nakakilala na sa ila.
Ginbuyagyag man sang natungdan nga ang mga suspek ang naga-istar sa isa lamang ka apartment sa Iloilo City.
Natukiban man sa imbestigasyon sang kapulisan nga masami ginagamit sang mga suspek ang motorsiklo nga gingamit man bilang ‘get away vehicle’ sa krimen.
Utang ang isa sa motibo nga ginalantaw sang otoridad kon ngaa ginpatay ang pastor.
Nahibaluan nga nag-agum ang pastor sang igo sang bala halin sa ulo kag naglapos sa sag-ang sini nga gintunaan man sang iya kamatayon.
