ILOILO – Yara na sa advanced state of decomposition ang tatlo ka tuig nga bata sang nakit-an nga nagalutaw-lutaw sa Tigum River sa Brgy. Amerang, Cabatuan, Iloilo.
Sa interview sang Bombo Radyo kay Police Major Niño Leonard Amar, hepe sang Cabatuan Municipal Police Station, iya ginpahayag nga isa ka residente ang nakapanimaho kag nakasapo sa bangkay sang bata.
Martes nga adlaw sang nadula ang biktima nga nag-upod man lang sa iya amay sang nagpamunit sa amo nga suba.
Posible suno sa pulis nga natabunan pa sang rurok ang bata rason nga wala gilayon nakita sang nagligad nga mga inadlaw.
