ILOILO CITY – Tatlo na ka mga fetus ang nakit-an nga ginhal-id sa Calajunanan Sanitary Landfill sa distrito sang Mandurriao, Iloilo City subong nga bulan sang Nobyembre.
Ang pinakaulihi nga nagdugang amo ang walo ka bulan nga lapsag nga nasapwan kahapon, Nobyembre 13.
Sa interview sang Bombo Radyo kay Punong Barangay Efren Tagaytayan, iya ginpahayag nga gindul-ong nila sa simbahan ang fetus kag ginhatagan sang disente nga lubong sa public cemetery.
Ginapahayag preska pa ini sang nakit-an, babayi, kag nakasulod sa karton.
Ginpahayag sang punong barangay nga blangko pa sila kun sin-o ang mga ginikanan sang lapsag ilabi na bangud madamo man nga mga banwa ang ginagikanan sang mga basura.
Nahibaluan nga lalaki kag babayi ang una nga duha ka nakit-an nga fetus sa Calajunan Sanitary Landfill kag wala man nahibaluan kun sin-o ang iloy kag amay.
