Gin-athag ni Iloilo City Mayor Jerry Treñas nga naka-recover na ang tatlo ka pasyente sa Iloilo City nga lakip sa gin-anunsyo sang Department of Health (DOH) kahapon nga local case sang Delta variant sang COVID-19 sa Western Visayas.
Santo sa statement sang DOH, sang Hulyo 23 pa ginpadala ang swab sample sa Philippine Genome Center para sa genome sequencing.
Sa interview sang Bombo Radyo kay Treñas, iya ginpahayag nga apisar nag-ayo na sa balatian, ginsaylo gihapon sa isolation center ang tatlo ka pasyente pati na ang ila ang mga close contact.
Ipatigayon man ang re-swabbing.
Nagapatigayon subong sang backtracing ang City Epidemiology and Surveillance Unit (CESU).
