Tatlo ang patay kag tatlo ang pilason sa disgrasya sa San Fabian, Pangasinan.
Natabo ini sang Abril 1, Mierkules Santo.
Suno sa imbestigasyon, nagapauli na ang mga biktima sakay sa tricycle nga halin sa beach.
Ginpahayag nga may nag-overtake nga pick-up truck sa isa pa ka salakyan apang wala sini matalupangdan ang ginasakyan nga tricycle sang mga biktima.
Nabungguan gid sang pick-up truck kag nayudyod pa ang tricycle nga nagresulta sa kamatayon sang mga biktima.
Padayon pa nga ginabulong sa ospital ang mga pilason.
Yara na sa kustodiya sang pulis ang 25-anyos nga driver sang pickup.
Base sa impormasyon, hubog ang driver sang pick-up sang natabo ang disgrasya.
