3 patay, 9 pilason sang nahulog ang salakyan sa creek sa Iloilo

ILOILO CITY – Patay ang tatlo ka tawo samtang pilason ang siyam nga iban pa matapos mahulog sa creek sa Barangay Sarapan, Passi City, Iloilo.
Nakilala ang mga napatay nga biktima nga sanday Daryl Almarza, 35; Jessabel Almarza, 30; kag Bjorn Monegro, 11.
Sa interview sang Bombo Radyo Iloilo, ginpahayag ni C/Insp. Gervinson Boyo, hepe sang Passi City Police Station, gikan sa Kalibo, Aklan ang mga biktima kag pauli na sana sa Barangay Pamuringao Garrido, Cabatuan, Iloilo.
Sakay ang mga biktima sang Mitsubishi Strada nga ginamaneho ni Benjamin Monegro Jr., 43, nga pilason man sa insidente.
Nag-overtake ang salakyan sa ginasundan nga truck apang nawad-an sang kontrol sa manibela ang driver, rason nga nahulog sa creek ang salakyan.
Gikan ang mga biktima sa pagtambong sa isa ka birthday party.