3 pilason sa pagbunggo sang motorsiklo sa salakyan ni DENR Sec. Cimatu sa Antique

ILOILO CITY – Tatlo ang pilason sa pagbunggo sang motorsiklo sa salakyan ni Department of Environment and Natural Resources (DENR) Secretary Roy Cimatu sa Barangay Bitadtun Sur, Culasi, Antique.
Sa interview sang Bombo Radyo Iloilo, ginpahayag ni SPO3 Andres Caduada, imbestigador sang Culasi Police Station, padulong sa isla sang Boracau ang tiglikom sakay sang itom nga Mitsubishi Outlander nga official vehicle sang DENR.
Isa ka motorsiklo ang gulpi nga nagliko pa-wala rason sang pagbunggo sini sa salakyan sang tiglikom.
Pilason ang driver sang motorsiklo, misis sini kag ang ila duha ka tuig nga hinablos kag karon nagapabilin sa Culasi District Hospital.
Nagtabog ang salakyan ni Sec. Cimatu sa talamnan apang wala sang may napilasan sa mga sakay sini.
Nagsaylo sa iban nga salakyan ang tiglikom kag nagpadayon sa biyahe padulong sa Boracay.