Ginkumpirma sang Department of Migrant Workers (DMW) nga nalakip ang tatlo ka mga Pilipino sa 49 nga napatay matapos nasunog ang isa ka building nga gina-istaran sang malapit 200 ka foreign workers sa Kuwait.
Suno kay DMW Secretary Hans Leo Cacdac, ang mga Pinoy nga biktima ang naga-trabaho sa isa lang ka Kuwaiti construction company.
Duha ka iban pa nga mga Pinoy ang nagapabilin nga kritikal ang kondisyon sa ospital samtang ang anum ka iban pa ang safe kag wala nasamaran suno sa ahensya.
“The unfortunate news is that three were identified as fatalities in a hospital in Kuwait. What we do know is [that] because the fire happened in the wee hours of the morning, the victims suffered from severe smoke inhalations, so they don’t have burns in their bodies, but they inhaled a tremendous amount of smoke,” kabahin sang statement ni Cacdac.
Ginkontak naman sang national government sa pagpanguna sang DMW kag Overseas Workers Welfare Administration (OWWA) administrator Arnell Ignacio ang mga pamilya sang apektado nga OFWs. Ginahikot man sang OWWA kag DMW ang proseso kag nagapakig-angot man sa Philippine Embassy in Kuwait para mapapauli ang mga bangkay sang mga Pinoy diri sa Pilipinas.
“We are in touch with the families of all the affected OFWs, including the families of those two in critical condition and the families of the three fatalities. Six of them are now safe and provided with their immediate needs,” suno pa kay Cacdac.
Nahibaluan nga nagsugod ini nga sunog 4:30 sang kaagahon sang Hunyo 12 sa al-Mangaf nga isa ka coastal city sa south sang Kuwait City.
Padayon pa subong ang imbestigasyon sa ginhalinan sang sunog apang sandig sa inisyal nga pahayag ni Kuwaiti deputy prime minister Sheikh Fahad Yusuf Saud Al-Sabah, nakakomiter sang violations ang real estate owners.#
