Nalakip ang tatlo ka mga eskwelahan sa syudad sang Iloilo sa ten top performing medical schools sa October 2026 Physician Licensure Examination (PLE).
Sa resulta nga gin-release sang Professional Regulation Commission (PRC) subong nga gab-i, nagpanguna ang West Visayas State University College of Medicine (WVSU-COM) nga nakakuha sang 100% nga overall passing rate.
Ini matapos nga nakapasar tanan ang 100 ka mga examinees halin sa buluthuan.
Sa kategorya naman kun sa diin may 50-99 examinees, Rank 3 ang Iloilo Doctors College of Medicine nga may 96.15% nga rating, samtang nagapang-apat naman ang Central Philippine University nga may 92.86% nga rating.
Ini nga pasinawan ang gin-conduct sang PRC sang October 3, 4, 10, kag 11 sa nanuhay-tuhay nga testing centers lakip na sa National Capital Region, Baguio, Cagayan de Oro, Cebu, Davao, Iloilo, Koronadal, Legazpi, Lucena, Pampanga, Rosales, Tacloban, Tuguegarao, kag Zamboanga.
