30 ka mga bus, nag umpisa na sa pagbyahe sa syudad sang Iloilo

ILOILO CITY – Nag umpisa na subong nga adlaw sa pagbyahe ang 30 ka mga ceres bus sa syudad sang Iloilo.

Sa interview sang Bombo Rady kay Mr. Jeck Conlu, pinuno sang Public Safety and Transportation Management Office, iya ginpahayag nga ang mga bus ang magalabay sa dugang nga mga dalanon sa syudad sang Iloilo lakip na diri ang Boulevard sa Molo, Diversion Road sa Mandurriao, Lapuz, City Proper kag Delgado.

Suno kay Conlu, 10 ka mga bus ang una nga nagbayahe sa syudad kag nahimo ini nga 15 apang subong nga wala na sang tricycle kag taxi, na desisyonan ni Iloilo City Mayor Jerry Treñas nga himuon 30 ka mga bus ang magabayahe agud nga mapasakay ang mga pasahero padulong sa ila kaladtoan.

Dugang pa sang natungdan, ang byahe sang mga bus ang maga umpisa 5:30 sa aga tubtob 10:00 sa gab-i bangud may mga empleyado nga gab-i na ang ila buhi sa trabaho.