Mandurriao, Iloilo City – Matapos ang 30 nga tuig nga pagserbe bilang barangay official sang Block 17 PHHC, Mandurriao, Iloilo City, magapanaog na sa pwesto sa iya katapusan nga termino bilang Punong Barangay si Serio Causing.
Sa interview sang Bombo Radyo kay Punong Barangay Causing, presidente sang Mandurriao Association of Barangay Captain, iya ginpahayag nga tuman ang pagpasalamat sini sa pagsalig sang iya mga kasimanwa sa iya liderato.
Sa matuod suno kay Causing, magapadalagan ini bilang Barangay Kagawad kun sa diin, pagabuslan ini sa posisyon sang kaangay man nga barangay official.
Nahibaluan nga may yara man sang anum ka iban pa nga mga punong barangay sa distrito sang Mandurriao nga magatapos sang termino kun sa diin nalakip si Causing.
Ini amo sanday Punong Barangay Wellie Colon sang Barangay Oñate de Leon, Mandurriao, Iloilo City; Bernardo Rivera sang Barangay Sta. Rosa, Mandurriao, Iloilo City; Efrain Tagaytayan sang Barangay Calajunan Mandurriao, Iloilo City; Manuel Militar sang Barangay Taft North, Mandurriao, Iloilo City; kag Edgar Adelante sang Barangay Dungon C Mandurriao, Iloilo City.
Natalana ang pag-file sang Certificate of Candidacy sa Hulyo 3 tubtob 7 para sa 2023 barangay and Sangguniang Kabataan elections.
Sa Oktubre 30 naman ang election day.
