ILOILO CITY – Magamay lamang ang mga tawo nga nagabisita subong sa mga patyo sa syudad sang Iloilo sa liwat sini nga pagbukas matapos nga ginsirado humalin sang Oktubre 29 tubtob Nobyembre 4.
Sa interview sang Bombo Radyo kay Mr. Jeck Conlu, tagpamaba sang COVID-19 team sang syudad, iya ginpahayag nga base sa ila nga monitoring subong nga adlaw, indi maglab-ot sa 30% ang nagakadto sa patyo.
Ini bangud mahimo nga ang iban sa mga pumuluyo ang nagbisita na sa ila mga mintay antes pa man ang pagsirado sang mga patyo.
Kun magkadto man ang mga tawo sa weekend pahayag ni Conlu, may posibilidad nga gamay sa gihapon ang magabisita.
