Magauntat sa pag-operate ang 30% sang mga backyard hog raisers bangud nagadagsa ang mga imported pork products nga amo ang nagapanubo sang farm-gate prices.
Suno kay ProPork chairman Nicanor Briones, nagakahangawa ang local hog industry bangud ang presyo sang live hogs ang yara na lang sa P150 kada kilo.
Pahayag pa niya, ang pork products nga gina-import ang tuman ka barato kag manubo pa ang taripa rason nga nagakaputo ang mga manugbaboy sa bilog nga pungsod.
Bangud sini, indi malayo nga madamo ang magauntat sang operasyon kag indi na sila magsagod pa sang baboy.
